L’è scià Natal

Gennaio 2006

L’è scià Natal,
l’è festa in general;
a la matina un busechin,
cunt adré un bicer de vin;
a mesdé un capunscell,
cunt adré un risutell;
a la síra el panetun,
cunt adré vergott de bun,
e narèm in lecc a tumburlun.

Vegnarà chel Santo Natal,
l’è ‘na festa in general;
a la matina un bell zupin,
cunt adré un büsechin;
al mesdé un risutin,
cunt adré un pulastrin;
a la bass vergott de grass
e bej sagoj se va a spass;
a la sira un cafetin
e a la matina se g’ha voj el
bursin.

L’è rivà el dé de Natal,
l’è una festa in general;
el prestiné el me dà el panatun,
l’ufelé el me da el turun;
el pulirö eI me da el pulin,
l’è la nocc che nàs el Bambin

Dinda, lidanda,
duman l’è festa granda;
duman l’è festa tua,
dìsna a cà tua;
e dìghel a nessun
che sem in tanti anca nun.

Filastrocca Brianzola