http://brianzolitudine.splinder.com
Giugno 2007

Brianzaloft

In cassina dormìvom sott a on tett
de lègn e tra quej copp sora i travett
sbarlusìven i stell, passava el vent,
sdraiaa nel fregg nun stavom indorment

tiraa i covert con quatter strasc de nient
indoss, fradej, sorell indifferent,
el materass de fèn dent al nost lett
che faseva fadiga, talment strett

a tegnì insema tutt: bagaj, tosann
in ona stanza sistemada al pian
de sora a la cusina, cont el bagn

là perduu ne la cort, in mezz ai ragn,
ma da quel bus, che spess vardi lontan
nà via pur pensi se ‘l sia staa on guadagn.

Omaggio a una foto che pare un quadro di Courbet, o di Cezanne. Che altro dire? Che se non ci fossero gli scatti di Marsala Florio, la brianzolitudine chissà mai oggi dove si sarebbe persa.